Një tërmet i madh me magnitudë 7.4 ka godiur sot brigjet lindore të Tajvanit, sipas Shërbimit Gjeologjik të SHBA-së, duke shkaktuar edhe paralajmërime për cunami për ishullin dhe Japoninë jugore.
Epiqendra e tërmetit ndodhej rreth 18 kilometra (11 milje) në jug të qytetit Hualien të Taiwanit, përcjellë Telenews.al
Administrata Qendrore e Motit të Tajvanit ka lëshuar poashtu një paralajmërim për cunami pas tërmetit, derisa një alarm ju është dërguar banorëve, megjithëse jo të gjithë e morën atë, duke paralajmëruar se një cunami pritej të prekte zonën bregdetare veriore dhe se banorët këshillohen të evakuohen në tokat më të larta.
Agjencia Meteorologjike e Japonisë lëshoi gjithashtu një paralajmërim për cunami për ishujt Miyakojima dhe Okinawa, duke paralajmëruar për valë deri në 3 metra që priten së shpejti.
Nga tërmeti i ndodhur në Taiwan ka shembje të disa ndërtesave, por ende nuk dihet nëse ka bilanc me të vdekur. /Telenews.al/
