Dy persona janë arrestuar në Kaçanik, nën dyshimin se kanë sulmuar dhe kanosur zyrtarë policorë, si dhe i kanë penguar gjatë kryerjes së detyrës.
Incidenti ka ndodhur në rrugën “Vëllezërit Qaka”, derisa policët po i shqiptonin një gjobë trafiku njërit prej të dyshuarve.
Sipas organit të rendit, tre zyrtarë kanë pësuar lëndime dhe kanë marrë trajtim mjekësor.
Dy të dyshuarit janë intervistuar dhe, me vendim të prokurorit, janë dërguar në mbajtje.