Një valixhe e dyshimtë sot është gjetur para objektit të Komunës së Mitrovicës së Jugut.
Policia e Kosovës e ka rrethuar lokacionin dhe po merret me rastin, raporton Radio Televizioni i Kosovës.
Njësitet policore e kanë hapur valixhen e dyshimtë dhe se brenda saj ka rezultuar të ketë pasur vetëm rroba.
Zëdhënësi i Policisë së Kosovës për rajonin e Mitrovicës, Avni Zahiti tha se brenda valixhes nuk ka diçka të dyshimtë.
Ai tha se dikush e ka harruar valixhen në oborrin e Komunës.
“Një valixhe ka qenë aty, nuk ka diçka të dyshimtë. Dikush e ka harru aty”, ka thënë Zahiti.
Zahiti tha se pas përfundimit të ekzaminimit rruga është liruar për qarkullim.