Policia e Kosovës ka njoftuar se ka vdekur njëri nga gjashtë personat që mbetën të lënduar në aksidentin në Doberllukë të Vushtrrisë.
Viktima është një 74-vjeshtë një 74-vjeçar, shkruan Reporteri.net.
“Rreth orës 14:00, nga mjeku është konfirmuar se, si pasojë e lëndimeve të pësuara, personi me lëndime të rënda ka humbur jetën. Trupi i pajetë i viktimës, mashkull i moshës 74-vjeçare, me urdhër të prokurorit,
është dërguar për obduksion në Institutin e Mjekësisë Ligjore”, thuhet në raport.
Policia ka thënë se hetuesit do të vazhdojnë hetimet për sqarimin e plotë të rrethanave të aksidentit.
Në aksident kanë qenë të përfshira tri automjete me targa civile-vendore.
Të lënduarit janë dërguar fillimisht në emergjencën e spitalit në Vushtrri. Pas marrjes së ndihmës së parë, personat e lënduar janë dërguar për trajtim të mëtutjeshëm në QKUK.