Telenews

Vidhen dy panele solare dhe dy bateri në pronën e “Iber Lepencit” në Zubin Potok

Dikush kishte arritur që në këtë zonë të thellë të Zubin Potokut, fshati Dobresevinë të futët e të lë jashtë funksionit këtë pikë matëse të nivelit të ujit.

Në këtë pronë të “Iber Lepencit” kishin qenë dy panele solare dhe dy bateri, të cilat u vodhën nga dikush akoma i paidentifikuar.

I gjithë dëmi ka kapur vlerën mbi 1600 euro.

Zv.Drejtori i Policisë për Rajonin e Veriut, Veton Elshani dha më shumë detaje për Dukagjinin.

“Dje dikun pas orës dy jemi njoftuar për një vjedhje e cila është kryer në Zubin Potok. Konsiderojmë që dy bateri janë marr në atë vend dhe dy panele solare të cilat kanë shërbyer për një pjesë mekanike aty që përdorën për matjen e ujit ndërmjet kanalit të Ibër Lepencit që kalon në atë zonë dhe shfrytëzohet për pije”, ka thënë  Elshani.

Ai tha se po bashkëpunojnë me qytetarë që ta gjejnë kryerësin e këtij akti.

“Nuk kemi të dyshuar momentalisht, jemi duke punu aty me Policinë e Zubin Potokut dhe me personat të cilët janë ardhë dhe kanë lajmëru rastin, do ta shohim”, ka thënë ndër të tjera Elshani.

Rastin në Polici e ka lajmëruar një zyrtar i Ujësjellësit në Ujman.

source

Të ngajshme

Arrestohen dy persona në Prishtinë, u gjenden substanca narkotike

Hoxhaj për mosnjohjen e Kosovës nga Spanja: Nuk i sjell nder të jetë në një barkë me Rusinë

Parashikimi i Haradinajt për zgjedhjet, prognozë interesante e tij për opozitën

Donat Hashani