Vizita në SHBA, Osmani takon një nga këshilltarët e Bidenit

Presidentja e Kosovës, Vjosa Osmani gjatë vizitës së saj në Amerikë në hapjen zyrtare të takimit të liderëve të Konferencës së Mynihut është takuar me zyrtarë të administratës amerikane, kongresistë e senatorë dhe ministra nga shtete të ndryshme.
Përmes një postimi në Facebook, Osmani bëri të ditur se ndër takimet që pati të martën, ka takuar edhe Jake Sullivan, Këshilltari për Siguri Kombëtare i presidentit amerikan, Joe Biden.
“Në këtë pritje zyrtare, kisha rastin të takoj Jake Sullivan, Këshilltarin për Siguri Kombëtare të Presidentit Biden, Ministren për Çështje Evropiane të Finlandës, Tytti Tuppurainen, Ministrin Federal të Gjermanisë Wolfgang Schmidt, Ministrin e Punëve të Jashtme të Lituanisë, Gabrielius Landsbergis, Senatorin Chris Coons, Kongresisten Veronica Escobar, Zëvendës Sekretarin e Përgjithshëm të NATO-s, Mircea Geoana, udhëheqësin e Konferencës së Mynihut Ambasadorin Christoph Heusgen, Ambasadorin Ëolfgang Ischinger, si dhe përfaqësues të tjerë pjesëmarrës në konferencë”, thuhet ndër tjerash në postim.