Lorik Boshnjaku do ta vazhdojë karrierën në futbollin shqiptar.
Mesfushori kualitativ u nda së fundmi me Prishtinën dhe menjëherë ka gjetur angazhim.
Dhe, ai vendosi t’i bashkohet Vllaznisë së Shkodrës, shkruan “Gazeta Express”.
Lajmin e kanë bërë të ditur vetë shkodranët përmes një njoftimi në faqen zyrtare në Facebook.
“KF Vllaznia bën të ditur se ka firmosur me futbollistin Lorik Boshnjaku. Për 7 vite me rradhë ai ka qenë pjesë e FC Prishtina, ndërsa nga sot e për dy vitet e ardhshme do të jetë pjesë e klubit tonë.
Boshnjaku luan në rolin e mesfushorit të qendrës dhe KF Vllaznia i uron
mirëseardhjen në familjen kuqeblu”, njofton Vllaznia.
Tashmë ish-futbollisti i Prishtinës do t’i bashkohet ekipit të ri më 15 qershor, kur skuadra e trajnerit Mirel Josa do t’i nisë përgatitjet
për garat evropiane.
Boshnjaku cilësohet si zëvendësuesi perfekt i Ardit Krymit, i cili u transferua me parametra zero te bjellorusët e Shakhtyor Soligorsk, teksa afrimi i tij erdhi pas insistimit të Josës, me të cilin ka punuar më parë te Prishtina. /Gazeta Express/
The post Vllaznia e zytarizon Boshnjakun appeared first on Gazeta Express.