Ushtruesja e detyrës së shefit të Grupit Parlamentar të LVV-së, Mimoza Kusari-Lila, ka treguar sot formulën për themelimin e Komisionit Hetimor Parlamentar për krizën energjetike, të cilin po e kërkon opozita.
Pas mbledhjes se Kryesisë së Kuvendi, ajo ka thënë se ekzistojnë dy mënyra që ky komision të formohet.
Më tej, ajo ka treguar se seanca e radhës e Kuvendit të Kosovës do të mbahet më 28 prill.
“Seanca e radhës është më 28 prill. Shtesë është votimi i kërkesës për themelimin e Komisionit Hetimor, zgjedhjen e një anëtari të bordit të RTK-së dhe debati për punën e qeverisë. Këto janë pikat që caktuam për seancë të rregullt”, ka deklaruar Kusari-Lila.