Xheneta Fetahu ka qenë e ftuar në emisionin “She’s on Air” në Top Albania Radio, ku ka folur për jetën para dhe pas famës. Gjatë intervistës, ajo ka treguar për kohën kur jetonte në Suedi, çfarë pune bënte dhe sa ka qenë rroga e saj.
“Asnjëherë, nuk i kam thënë asnjëherë punës jo. Kam punuar lloj-lloj punësh të ndryshme, nuk kam turp t’i përmend nga e para deri tek e fundit. Mendoj se secila punë më ka bërë për Xhenetën që jam sot dhe forcën që kam krijuar. Gjëja më e rëndësishme është të kesh besim te vetja, nga një punë më e vogël mund të arrish te një më e lartë.
Kam punuar me të moshuarit në Suedi, kam punuar si kameriere në restorante, si menaxhere hoteli, kështu që kam bërë lloj-lloj punësh të ndryshme”, ka thëmë Xheneta.