Futbollisti i njohur Yll Hoxha ka konfirmuar largimin e tij nga FC Suhareka pas dy sezonesh të suksesshme me klubin.
Mbrojtësi i majtë, që la një shenjë të dukshme në ekip, ka shprehur mirënjohjen për klubin dhe tifozët, duke theksuar se është gati për një sfidë të re në karrierën e tij.
Në një komunikatë të tij, Hoxha u shpreh: “Dy vite në FC Suhareka – një vit plot suksese, tjetri plot mësime dhe reflektim. Faleminderit klubit FC Suhareka për mundësinë, dhe tifozëve për mbështetjen në çdo moment. Mirënjohje për ata që vlerësuan angazhimin dhe profesionalizmin tim. Gati për kapitullin e radhës!”