Zayn Malik ka hequr nga Instagrami ish partneren e tij, Gigi Hadid mes spekulimeve se ka nisur një romancë me fituesin e çmimit Oscar, Leonardo DiCaprio. Këngëtari 29-vjeçar tani ndjek vetëm 24 persona në llogarinë e tij, gjysma e të cilëve janë llogari fansash kushtuar atij, sipas ELLE.
Deri më tani, Hadid e ende ndjek Malik, i cili është babai i vajzës së saj tashmë dyvjeçare Khai. Ky reagim vjen pasi miqtë pranë tyre janë shprehur se këngëtari nuk i ka pritur mirë këto thashetheme se modelja dhe DiCaprio kanë nisur një romancë dhe se madje kërkon të rikthehet me të.
Mediat e huaja kanë raportuar se Leo dhe Hadid tashmë ia kanë dhënë një mundësi njëri-tjetrit për t’u njohur. “Ai mendon se ajo është sigurisht e bukur, por gjithashtu një personazh i mençur dhe i lezetshëm, i cili ka një pamje shumë të kulturuar dhe të arsimuar për jetën,” tha një burim.
