Në mbledhjen e mbajtur në Fushë Kosovë, me kërkesë të Grupit të Asambleistëve të Partisë Demokratike të Kosovës, u miratua deklarata e përbashkët kundër aktgjykimit të Dhomave të Specializuara ndaj ish-krerëve të Ushtrisë Çlirimtare të Kosovës.
Lajmin e ka bërë të ditur Valon Murseli, i cili përmes një postimi ka theksuar se deklarata u miratua nga Kuvendi Komunal.
“Jo në emrin tim”, ka shkruar Murseli, duke falënderuar të gjitha subjektet politike për mbështetjen.
Postimin e tij, Murseli e ka përmbyllur me mesazhin: “Përgjithmonë UÇK.”
