Zëdhënësi i Qeverisë, Përparim Kryeziu ka komentuar shkuarjen e kryeministrit Kurti në Tiranë.
Ai ka thënë se në takimin e përbashkët mes Kurtit dhe kryeministrit të Shqipërisë, Edi Rama është diskutuar rreth çështjeve me interes ndërmjet dy shteteve.
“Kryeministri Kurti ka zhvilluar sot një takim pune me kryeministrin e Shqipërisë, Edi Rama. Në këtë takim dy kryeministrat kanë folur për çështjet e politikave publike e qeveritare dhe socio-ekonomike në Kosovë e Shqipëri, me theks të veçantë në sfidat energjetike dhe shkëmbimin që po bëjnë KEK me KESh”, tha ai.
Kryeministri i Kosovës, Albin Kurti ditën e sotme zhvilloi një takim me kryeministrin, Edi Rama në Tiranë.
Takimi nuk është paralajmëruar zyrtarisht as nga Qeveria e Kosovës dhe as nga ajo e Shqipërisë.
Megjithatë, Kurti u detyrua ta lë në gjysmë konferencën e përbashkët me ministren e Arsimit, Arbërie Nagavci dhe atë të Financave, Hekuran Murati.