Zëvendësministrja e Shëndetësisë, Dafina Gexha – Bunjaku tha se deri më tani nuk ka asnjë rast të dyshuar me lijën e majmunëve në Kosovë.
Ajo në një konference për medie tha se MSh po përgatit rekomandimet për profesionistët shëndetësorë.
Gexha – Bunjaku tha se edhe Kosova rrezikohet nga ky virus derisa u shpreh se çdo kush qe vëren skuqje e ndryshime në lëkurë, ethe e temperaturë duhet të drejtohet tek mjeku familjar.
Derisa e quan lajm të mirë se kjo sëmundje nuk përhapet shpejt sa COVID-19, ajo thekson se megjithëkëtë vigjilenca duhet të ekzistoj.