Një zjarr ka përfshirë sot një pjesë të Parkut të Lirisë në Bulevardin e Gjakovës, ndërsa flakët kanë prekur edhe një pjesë të një objekti/lokali në afërsi.
Sipas njoftimit të Njësisë Profesionale të Zjarrfikësve dhe Shpëtimit në Gjakovë, ekipet kanë intervenuar me shpejtësi në vendin e ngjarjes.
Falë reagimit të zjarrfikësve, zjarri është lokalizuar dhe është parandaluar përhapja e mëtejshme e tij.
Ekipet e zjarrfikësve kanë bërë të ditur se vazhdojnë të jenë në gatishmëri për mbrojtjen e jetës, pronës dhe ambientit.