Të gjithë e mbajmë mend hitin e tyre “Shukarije”, këngë që u publikua me videoklip në vitin 2012.
Tani, duket se Sinan Hoxha dhe Soni Malaj kanë bashkuar forcat për një tjetër bashkëpunim. Të paktën këtë kanë nënkuptuar dyshja e artistëve përmes postimeve që kanë bërë në rrjete sociale.
Soni ka publikuar një fotografi nga studioja muzikore dhe kaq ka mjaftuar që fansat të spekulojnë se ata po sjellin një këngë tjetër. Kjo këngë do ta rikthente Sonin në skenën muzikore pas pak kohësh. Kujtojmë që një vit më parë ajo mori pjesë në Kënga Magjike me baladën “Versioni im”.
