Po afrohet data për koncertin e madh të reperit, Capital T – “Time Capsule”.
Përveç reperit nga Prishtina, në kocertin e Capital T do të performojnë edhe emra të tjerë të estradës.
Së fundmi, vet reperi ka zbuluar dy emrat e artistëve që do të jenë pjesë e koncertit të tij.
Nëpërmjet postimeve në llogarinë e tij në Instagram, rap-artisti ka njoftuar se Rina Balaj dhe Lluni janë dy emrat e parë që zbulohen si performues në koncertin e 11 gushtit.
Por, përveç tyre pritet që edhe emra të tjerë artistësh dhe kolegë të reperit të zbulohen në ditët në vazhdim.
Theksojmë që “Time Capsule” do të mbahet në stadiumin e qytetit të Prishtinës “Fadil Vokrri”.
Kujtojmë që eventi madhështor i reperit për herë të parë u mbajt në Tiranë, rreth katër vite më parë dhe pati një numër të madh fansash që morën pjesë.