Drejtuesit e Partisë Demokratike të Kosovës (PDK), sot po marrin pjesë në një dasmë tradicionale shqiptare.
Në rrjetet sociale është publikuar fotografia e tyre, megjithëse dukej si enigmë se në dasmën e kujt po marrin pjesë ata.
Telenews.al ka mësuar se drejtuesit e PDK-së, po marrin pjesë në dasmën e bashkëpunëtorit të tyre, Granit Geci.
Geci është aktivist politik dhe asambleist në Kuvendin Komunal të Prishtinës nga rradhët e PDK-së.
Siç shihet në fotografi, në dasmën e z.Gecit po marrin pjesë kryetari i PDK-së Memli Krasniqi së bashku me nënkryetarin e Skenderajit, Sami Lushtaku, deputetët Uran Ismaili e Abelard Tahiri, që të katërtit me bashkëshortet e tyre, si dhe deputetja Eliza Hoxha dhe ish-ministrja e punëve të jashtme, Vlora Çitaku.
/Telenews.al/
