Kryetari i Nisma Socialdemokrate, Fatmir Limaj, ka prezantuar aderimin më të ri në parti, Murtez Zekolli.
Në një konferencë për media të mërkurën, Limaj tha se Zekolli është një personalitet me bagazh kombëtar e intelektual që i bashkohet subjektit të tij politik.
“Nisma po fuqizohet me personalitete të fuqishme. Sot para jush paraqesim dekorin e shkencave juridike, Murtez Zekollit”, tha Limaj.
Ndërsa Murtez Zekolli tha se shkaku i situatës politike në vend, ka bërë që t’i hyjë politikës.
Zekolli është ish-kandidat i Partisë Demokratike të Kosovës për kryetar të Suharekës. Në zgjedhjet e vitit 2021, kur kishte garuar në zgjedhjet lokale, ai ishte renditur i katërti me mbi dy mijë vota të fituara.