Një person është arrestuar nga policia pasi u zbulua se ishte i veshur me uniformë që përmbante emblema të Serbisë.
Rasti raportohet të ketë ndodhur në Leposaviq, të shtunën e 18 majit.
Pas një konsultimi me prokurorin dhe gjyqtarin për procedurat e nevojshme, u vendos që uniforma të merret si provë.
Më pas, i dyshuari u lirua në pritje të hetimeve të mëtejshme pas një interviste të bërë në përputhje me procedurat ligjore të rregullta.
“Fsh. Tresava, Leposaviq 18.05.2024 – 10:50. Është arrestuar i dyshuari mashkull kosovar, pasi që është hasur – takuar i veshur me uniformë në të cilën kishte të vendosura emblema të Serbisë. Lidhur me rastin, pas konsultimit me prokurorin dhe gjyqtarin për kundërvajtje, është vendosur që uniforma të konfiskohet, ndërsa i dyshuari pas intervistimit është liruar në procedurë të rregullt”, thuhet në raportin e policisë.