Presidentja e Kosovës, Vjosa Osmani, e ka uruar kryeministrin e Kroacisë, Andrej Plenkoviq, për mandatin e tij të tretë si kryeministër i shtetit kroat.
Osmani, përmes një postimi në platformën “X” e ka cilësuar Plenkoviqin si “mik të dashur të Kosovës”.
Presidentja ka thënë se janë krenarë për partneritetin me Kroacinë gjersa ka vlerësuar mbështetjen e vazhdueshme të Kroacisë ndaj Kosovës.
“Urime mikut të dashur të Kosovës, Andrej Plenkovic, në mandatin e tretë si Kryeministër i Kroacisë! Ne jemi krenarë për partneritetin tonë me Kroacinë dhe vlerësojmë shumë mbështetjen tuaj të patundur dhe të vazhdueshme”, ka shkruar Osmani.
Congratulations to a dear friend of Kosovo, @AndrejPlenkovic, on a third term as Prime Minister of Croatia!
We are proud of our partnership with Croatia and we greatly appreciate your staunch and continuous support. 🇽🇰🇭🇷
— Vjosa Osmani (@VjosaOsmaniPRKS) May 18, 2024