Kandidati për kryeministër nga Partia Demokratike e Kosovës, Bedri Hamza, është takuar me ambasadorin e ShBA-së në Kosovë, Jeffrey Hovenier.
Në llogarinë e tij në Facebook, Hamza tha se me Hovenierin folën për zhvillimet e përgjithshme në vend dhe për rritjen e bashkëpunimit me qeverinë e ShBA-së.
“Kosova dhe SHBA-ja kanë ndërtuar marrëdhënie të veçanta në të gjitha fushat dhe mbetet imperative që të vazhdojmë të koordinohemi ngushtë, sidomos në çështjet që kanë të bëjnë me interesin e vendit”, theksoi Hamza
Ndryshe, PDK-ja është partia e vetme opozitare deri më tani që tash e disa kohë e ka zyrtarizuar kandidaturën për kryeministër.