Kryetarja e Lëvizjes Evropiane të Serbëve nga Kosova, Rada Trajkoviq, tha se Beogradi zyrtar e ka pranuar kushtin e presidentit francez Emmanuel Macron për shkuarjen në Serbi dhe se po përgatitet arrestimi i Milan Radoiçiqit.
“Lajmi i ri është se gjyqësori i Serbisë, prokuroria dhe autoritetet e Serbisë kanë kërkuar zyrtarisht materiale nga autoritetet e Kosovës për Banjskën dhe se do të përgatisin seriozisht arrestimin e Radoiçiqit. “Vuçiq e pranoi,” tha ajo në N1.
Sipas saj, forca e serbëve dhe rezistenca e tyre është pakësuar me largimin e Radoiçiqit nga Kosova dhe njerëzit që ai mori me vete.
Trajkoviq ka komentuar edhe paralajmërimet e Qeverisë së Kosovës për hapjen e Urës së Ibrit me ç’rast siç deklaroi se “kjo nuk është e nevojshme sepse katër ura në veri të Kosovës tashmë funksionojnë”.