Kryeministri i Kosovës, Albin Kurti ka shkruar për momentin kur dy gra lindën fëmijët e parë të vitit 2025 në Kosovë.
Ai ka thënë se qeveria e tij më së shumti ka pasur në fokus politikat dhe mbështetjen financiare për nënën dhe fëmijët.
“Menjëherë pas mesnatës iu bashkuam gëzimit të zonjës Teutë për vajzën e saj Poemën dhe zonjës Fortesë për djalin e saj Diamantin, që erdhën në jetë të parët gjatë ndërrimit të motmoteve. Edhe nënat edhe foshnjat ishin shumë mirë me shëndet. Ne u uruam mbarësi dhe jetë të gjatë bashkë me familjet e tyre”, ka shkruar Kurti.
“Jemi qeveria që më së shumti ka pasur në fokus politikat dhe mbështetjen financiare për nënën dhe fëmijët, dhe do të vazhdojmë kësisoj edhe në këtë vit që sapo hymë. Investimi dhe mbështetja e vazhdueshme e gjithnjë më e madhe për ta është qenësore për popullin dhe të ardhmen tonë”, ka shkruar ai.