E lindur në Mitrovicë më 1973, Valdete Idrizi është një ndërmjetësuese e shquar dhe aktiviste për të drejtat e njeriut. Si bijë e një minatori dhe rritur në një familje me tetë fëmijë, ajo u frymëzua nga vlerat e solidaritetit dhe përkushtimit ndaj komunitetit.
Që nga viti 2001, ajo ka udhëhequr OJQ-në “Community Building Mitrovica” (CBM), duke ndërtuar ura midis komuniteteve dhe promovuar bashkëjetesën ndëretnike.
Valdete ka luajtur një rol të rëndësishëm në mbrojtjen e të drejtave të grave dhe grupeve të margjinalizuara. Për guximin dhe përkushtimin e saj, ajo është nderuar me çmimin prestigjioz “International Women of Courage” në 2008.
Si ish-deputete e Kuvendit të Kosovës në të kaluarën dhe kandidate për kryetare të Mitrovicës, ajo ka dëshmuar përkushtim për ndërtimin e paqes dhe zhvillimin e shoqërisë.
Në zgjedhjet e 9 shkurtit, ajo garon me numrin 36 nga radhët e PDK-së, duke sjellë përvojë dhe vizion për të ardhmen e Kosovës dhe pritet të jetë zë i fortë i të drejtave dhe kërkesave të qytetarëve.