Një taksist ka raportuar se është sulmuar fizikisht nga një pasagjer në Mitrovicë të Veriut, në orët e hershme të së shtunës.
Sipas deklaratës së tij, pasagjeri e ka goditur me grushte në kokë dhe ka refuzuar të paguajë për shërbimin e transportit.
Policia e Kosovës ka konfirmuar rastin dhe ka bërë të ditur se ngjarja ka ndodhur rreth orës 02:15 në rrugën “Kral Petri”.
“Lidhur me rastin, në konsultim me prokurorin, është iniciuar procedura hetimore,” thuhet në raportin zyrtar të Policisë së Kosovës.