Një grua është gjetur pa shenja jete gjatë ditës së sotme në fshatin Nabërgjan të Pejës.
Burimet e IndeksOnline kanë mësuar se bëhet fjalë për H. Lajqi, rreth moshës 70 vjeçare.
Të njëjtat burime kanë pohuar se viktima dyshohet të ketë bërë vetëvrasje.
Rastin e konfirmoi për “Indeksonline”, zëdhënësi i policisë për rajonin e Pejës, Fadil Gashi, ku njoftoi se trupi i viktimës është gjetur në garazhin e shtëpisë.
“Një grua është gjetur pa shenja jete në Nabërgjan të Pejës. Trupi i pajetë i viktimës është gjetur në një objekt përcjellës (garazh) të shtëpisë. Në vendin e ngjarjes kanë dal hetuesit policor dhe ekipet emergjente”, tha Gashi.
Policia shton se shkaqe e vdekjes ende nuk dihen, sakaq rasti po hetohet nga Prokurori i Shtetit.