Ministri i Financave Hekuran Murati ka thënë se në mbledhjen e sotme të Qeverisë janë miratuar 298 milionë euro projekte.
Murati ka theksuar se 70% e kësaj shumë janë grante.
“Vetëm në mbledhjen e sotme të Qeverisë, u miratuan: Nisja e negociatave për Programin Compact me MCC – 200 milionë euro. Marrëveshja për reformimin e skemës së ndihmës sociale me Bankën Botërore – 47 milionë euro. Marrëveshja për ndërtimin e impiantit të ujërave të zeza në Mitrovicë e Vushtrri me BERZH dhe BIE- 38.3 milionë euro. Marrëveshjet për investime në efiçiencë për komunat Prishtinë e Prizren me BERZH 12.7 milionë euro (2×6.35). Pra në total, vetëm në një mbledhje, 298 milionë euro projekte, ku rreth 70% e kësaj shume janë grante”, shtoi Murati.