Deondre Burns do të jetë përforcimi i ri i Sigal Prishtinës për sezonin e ardhshëm në Superligën e Kosovës në basketboll.
Basketbollisti amerikan, 28-vjeçar, vjen me një përvojë të pasur nga basketbolli evropian. Së fundmi, ai ishte pjesë e skuadrës franceze të elitës Le Portel, ndërsa më herët ka luajtur edhe në Izrael, Gjermani, Qipro dhe Zvicër. Në vitin 2022, në Qipro, Burns fitoi titullin e kampionit dhe Kupën me ekipin Keravnos.
Sigal Prishtina po ndërton një skuadër konkurruese për edicionin e ri, duke nënshkruar kontrata edhe me basketbollistët Don Polloshka, Valmir Kakruki, Dion Haxhosaj dhe Arian Azemi. Ekipin do ta drejtojë trajneri grek Michalis Kakiouzis.