Një tërmet me magnitudë 6.1 ballë goditi Turqinë perëndimore të dielën, tha autoriteti i menaxhimit të fatkeqësive (AFAD), ndërsa mediat lokale thanë se tërmeti u ndje në disa provinca.
AFAD tha se tërmeti ndodhi rreth orës 19:53 sipas kohës lokale në provincën Balikesir, pranë qytetit më të madh të Turqisë, Stambollit, por nuk pati raportime të menjëhershme për viktima ose dëme në asnjë nga provincat e prekura, raporton Reuters.
Ministri i Brendshëm Ali Yerlikaya tha në X se ekipet e emergjencës nga AFAD kishin filluar inspektimet rreth Stambollit dhe provincave fqinje, por se deri më tani nuk kishte marrë asnjë raport negativ.
AFAD tha se tërmeti goditi në një thellësi prej 11 km (6.8 milje), ndërsa Qendra Gjermane e Kërkimeve për Gjeoshkencat (GFZ) regjistroi tërmetin me magnitudë 6.19 dhe një thellësi prej 10 km.