Kandidatja e radhës e Listës Serbe për postin e nënkryetares së Kuvendit të Kosovës, Liljana Stefanoviq, ka dështuar të marrë votat e mjaftueshme në tri raunde votimi.
Në secilën prej përpjekjeve, deputetët votuan me shumicë kundër, duke bërë që emri i saj të ezaurohet nga mundësia për t’u propozuar sërish.
Ky është dështimi i tretë radhazi i Listës Serbe për të siguruar një nënkryetar në kryesinë e Kuvendit, pas Slavko Simiq dhe Zlatan Elek.