Miss Finlanda Sarah Dzafce, bukuroshes me origjinë nga Kosova, do t’i hiqet kurora, njoftuan organizatorët e konkursit të bukurisë në një konferencë për shtyp të enjten.
Mediat ndërkombëtare raportojnë se Dzafce e cila u kurorëzua Miss Finlanda në shtator, e gjeti veten në qendër të vëmendjes në mediat sociale pasi një fotografi e saj duke bërë një gjest të dukshëm racist u postua në platformën Jodel.
Fotografia tregon Dzafce duke i tërhequr sytë në një formë të pjerrët me gishtat e saj, me tekstin poshtë që lexon (në finlandisht), “kiinalaisenkaa syömäs” – që mund të përkthehet përafërsisht si “duke ngrënë me një kinez”.