Momentalisht jemi në muajin e shenjtë të Ramazanit dhe për besimtarët myslimanë që agjërojnë, ëmbëlsirat pas iftarit gjithmonë janë të mirëseardhura.
Por, si t’i rezistoni kësaj ëmbëlsire kremoze, e cila bëhet nga biskotat, salca e kosit dhe çokollata e mund të hahet pas iftarit?!
Përbërësit:
– 1 litër qumësht,
– 150 g sheqer,
– 70 g miell,
– 30 g kakao,
– 100 g qull,
– 50 g margarinë/gjalpë,
– 150 g biskota të bluara,
– 200 ml ajkë të ëmbël.
Përgatitja:
Përziejeni sheqerin, miellin, kakaon, qullin me 200 ml qumësht dhe pjesën tjetër e vendosni të zihet në shporet.
Kur qumështi të vlojë, shtoni masën e rrahur. Përziejini vazhdimisht që të mos digjen.
Hiqeni nga shporeti dhe i shtoni margarinën. Trazojeni shkurtimisht me mikser derisa masa të bëhet e lëmuar.
Biskotën e bluar e përhapni në një tepsi të madhe të cekët. Derisa masa e pudingut të jetë e nxehtë, derdheni sipër biskotave dhe përhapeni në të gjitha cepat.
Përhapeni masën në të gjithë tavën. Lëreni për rreth gjysmë ore të ftohet.
Rrihni kosin e ëmbël dhe më pas shpërndajeni mbi masën e ftohur. Pritini në shirita, më pas rrotullojeni pak. Bëjeni këtë me kujdes që të mos plasaritet.
Ju bëfët mirë.