Një rast tjetër i posedimit të narkotikëve është zbuluar në kryeqytet, duke treguar se fenomeni i përdorimit të substancave ilegale vazhdon të jetë prezent.
Ngjarja ka ndodhur më 18 prill 2026 rreth orës 21:50, në rrugën “Ahmet Krasniqi” në Prishtinë.
Siç mëson ekskluzivisht Sinjali, gjatë patrullimit, njësia policore ka ndaluar një veturë të cilën e drejtonte Egzon Cakolli (33 vjeç).
Gjatë kontrollit trupor, tek i njëjti është gjetur një sasi e dyshuar narkotike e llojit marihuanë, rreth 5 gram.
I dyshuari është shoqëruar në stacion policor, ku gjatë intervistimit ka pranuar se substanca ishte e tij dhe se është përdorues i narkotikëve.
Në konsultim me prokurorin kujdestar, rasti është iniciuar si “Posedim i paautorizuar i narkotikëve”, ndërsa i dyshuari është liruar në procedurë të rregullt.
Rasti mbetet nën hetime.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.