Butrint Imeri ka habitur fansat me një veprim të papritur në rrjetet sociale, duke zhdukur çdo gjurmë nga profili i tij në Instagram. Këngëtari, i ndjekur nga më shumë se 1.1 milion njerëz, ka fshirë të gjitha postimet, videot dhe fotografitë që kishte publikuar ndër vite, ndërsa ka larguar edhe foton e profilit, duke e lënë llogarinë krejtësisht bosh.
Ky ndryshim drastik ka ngritur menjëherë pikëpyetje te ndjekësit, sidomos pasi artisti prej muajsh ka qenë pothuajse i tërhequr nga rrjetet sociale dhe pa asnjë aktivitet të ri publik. Heshtja e tij e gjatë dhe mungesa e projekteve të fundit kanë shtuar dyshimet se diçka e madhe mund të jetë duke u përgatitur.
Në industrinë muzikore, veprime të tilla shpesh interpretohen si shenjë e një fillimi të ri artistik. Shumë emra të njohur zgjedhin të “pastrojnë” profilet e tyre përpara lansimit të një albumi, një bashkëpunimi apo një rikthimi të fuqishëm në skenë.
Për momentin, artisti nuk ka dhënë asnjë reagim publik, duke e bërë edhe më misterioz këtë vendim që po komentohet gjerësisht nga publiku dhe fansat e tij.