Një vetaksident me fatalitet ka ndodhur në orët e hershme të mëngjesit në Dollc, ku një person ka humbur jetën dhe katër të tjerë kanë mbetur të lënduar.
Sipas Spitalit të Përgjithshëm të Pejës, një nga të lënduarit është dërguar për trajtim të mëtejshëm në QKUK, ndërsa një tjetër po trajtohet në këtë spital. Dy persona të tjerë, pas marrjes së ndihmës mjekësore, janë liruar në gjendje stabile.
Autoritetet kanë bërë të ditur se viktima nuk është dërguar në spitalin e Pejës. Hetimet për rastin po vazhdojnë.