Tridhjetë vjet pasi [Tupac Shakur] u qëllua për vdekje në Las Vegas, më në fund ka nisur gjyqi për vrasjen e tij.
Gjyqi filloi të hënën, më 10 gusht, me përzgjedhjen e jurisë, duke shënuar nisjen e asaj që pritet të jetë një proces gjyqësor njëmujor, i cili do të përcaktojë fatin e Duane Keith “Keffe D” Davis.
Prokurorët pretendojnë se ai urdhëroi anëtarë të një bande që të qëllonin Shakurin dhe u siguroi armën më 7 shtator 1996.
Ikona e kulturës ishte vetëm 25 vjeç dhe në kulmin e karrierës së tij në kohën e vdekjes. Ai e ndërtoi karrierën e tij përmes muzikës jashtëzakonisht të sinqertë, ku trajtonte përvojën e burrave me ngjyrë dhe vështirësitë që shoqëronin atë realitet. Dekada më vonë, Shakur mbetet një nga figurat më me ndikim në historinë e hip-hopit.
Davis, i vetmi person i arrestuar në këtë çështje, është akuzuar për një vepër penale të vrasjes me armë vdekjeprurëse, me qëllim promovimin, avancimin ose ndihmën ndaj një bande kriminale. Ai është deklaruar i pafajshëm.
Nëse shpallet fajtor, ai përballet me mundësinë e një dënimi me burgim të përjetshëm.