“Diaspora shqiptare me UÇK-në”, protestë edhe në Kanada kundër aktgjykimit të Speciales –

Organizata “Liria ka Emër” ka njoftuar se një protestë në mbështetje të ish-krerëve të UÇK-së është mbajtur edhe në Vankuver të Kanadasë.

Sipas organizatës, protesta u organizua kundër asaj që u cilësua si padrejtësi ndaj ish-krerëve të UÇK-së, pas aktgjykimit të Dhomave të Specializuara të Kosovës në Hagë.

“Diaspora shqiptare me UÇK-në”, ka shkruar organizata “Liria ka Emër” krahas fotografive nga protesta.

Protesta të ngjashme janë zhvilluar edhe në Prishtinë dhe në disa vende të Evropës, përfshirë Gjermaninë, Zvicrën dhe Italinë.