Kombëtarja e Kosovës zhvillon sot ndeshjen e dytë në kuadër të Ligës së Kombeve, ku do të përballet me Austrinë.
“Dardanët” synojnë fitoren e dytë radhazi në grup, pas triumfit në ndeshjen e parë ndaj Irlandës në stadiumin “Fadil Vokrri”.
Trajneri Franco Foda nuk do të mund të llogarisë në Albian Hajdarin, i cili mungon në këtë përballje.
Përveç Hajdarit, nga lista për ndeshjen me Austrinë janë lënë jashtë edhe Meriton Korenica, Muharrem Jashari dhe Lindon Emërllahu.
Ndeshja Austri–Kosovë do të zhvillohet në stadiumin “Ernst Happel” në Vjenë, me fillim nga ora 18:00.