Mbrojtësi i Kosovës, Kreshnik Hajrizi është rikthyer në fushë pas një mungese të gjatë me fanellën e Sionit.
27-vjeçari luajti 45 minuta në fitoren e Sionit 2:0 ndaj Cham në Kupën e Zvicrës.
Hajrizi i cili u lëndua gjatë muajit maj të këtij viti, tani do të jetë i gatshëm edhe për ndeshjet e Kombëtares së Kosovës.
Rikthimi i tij në fushë është shumë pozitiv për trajnerin Franco Foda, i cili për ndeshjet e muajit nëntor do të ketë shumë probleme në fazën defansive – me mungesën e Dellovës dhe Albian Hajdarit.