Ekipi i ish-presidentit të Kosovës, Hashim Thaçi, ka publikuar një mesazh emocional në rrjetet sociale, përmes të cilit përcillet një deklaratë e tij drejtuar mbështetësve.
Në postimin e publikuar në profilet zyrtare të Thaçit, thuhet se ai dëshiron t’ua shtrëngojë dorën dhe t’i përqafojë të gjithë, ndërsa shpreh bindjen se në fund të këtij rrugëtimi do të dalë i pastër.
“Dua t’ju shtrëngoj dorën secilit nga ju, t’ju përqafoj të gjithëve dhe t’ju siguroj se do të dal me çdo qelizë timen i pastër si loti në fund të këtij rrugëtimi, që vazhdon me ju dhe për ju!”, thuhet në mesazhin e publikuar nga ekipi i tij.
Ndërkohë, ekipi medial i Thaçit ka rikthyer së fundmi aktivitetin në profilet e tij zyrtare në Facebook dhe X, ku po publikon materiale dhe fotografi nga veprimtaria e tij politike dhe institucionale.