Vinicius Junior do ta vazhdojë shumë shpejt kontratën me Real Madridin.
Futbollisti brazilian ka shkëlqyer këtë sezon me “Los Blancos” duke kontribuar në suksesin e madh në La Liga dhe në Champions League.
Për këtë arsye, klubi mbretëror spanjoll po mendon ta shpërblejë përfaqësuesin brazilian, shkruan “Gazeta Express”.
Palët janë afër vazhdimit të kontratës, e cila do ta lidhte futbollistin e krahut të majtë me klubin spanjoll së paku deri në vitin 2026.
Natyrisht, rroga e 21 vjeçarit do të rritet dukshëm, ndërsa klauzola e shkëputjes eventuale të kontratës do të vendoset 1 miliard euro.
Kampioni spanjoll do të donte që ta zgjasë bashkëpunimin me lojtarin e rrezikshëm deri në vitin 2028, por më i mundshëm është vazhdimi i kontratës deri në vitin 2026, maksimumi më 2027.
Vinicius e ka përbërë një sulm vrasës të Realit në bashkëpunim me lojtarin më në formë në botë të momentit, Karim Benzema. /Gazeta Express/
The post Vinicius do ta vazhdojë shumë shpejt kontratën appeared first on Gazeta Express.