Shefja e grupit parlamentarë të LVV-së, Mimoza Kusari-Lila në debatin parlamentar lidhur me rritjen e çmimeve ka prezantuar qëndrimin e LVV-së.
Ajo ka akuzuar opozitën se pavarësisht se i ka mbështetur sanksionet ndaj Rusisë, po e bënë një politikë jo të drejtë ku çmimet janë rritur si pasojë e kësaj lufte.
Tutje ajo ka renditur ndihmat të cilat sipas saj i ka dhënë qeveria për qytetarët dhe të hyrat e rritura të Doganës dhe ATK-së.
“Është e rëndësishme që kuvendi të trajtojë temën me seriozitet për rritjen e çmimeve dhe të propozojnë masa. Efektet e saj ndjehen në të gjitha segmentet e jetës. Kundërshtimi i opozitës për projekti të ndihmës sociale në Kosovë ka efekt negativ në 25 mijë familje që janë me ndihmë sociale. E para është reduktimi i akcizës. Gjatë vitit aktual kanë qenë të hyra mbi 6 milionë euro. Bankat e Kosovës kanë arritur mbi 4 miliardë euro. Rritja e çmimeve ka ardhur nga ndikimet nga jashtë, si lufta në Ukrainë e kështu më radhë. Se kemi rritje të çmimeve të shumicës së produkteve është evidente”, tha ajo.