Festivali Hardh Fest 2022 do t’i dedikohet Xhevdet Bajrajt, poetit rahovecas që u nda nga jeta në qershor të këtij viti.
Frymëzuar nga vargjet e tij poetike, “Ca kokrra rrushi të Rahovecit”, ky festival do të vijojë në frymën e shkrimtarit që për mbi 30 vjet jetoi dhe veproi në Meksikë.
“Inspiruar nga vargjet e poezisë “Ca kokrra rrushi të Rahovecit”, është edhe slogani i edicionit të sivjetshëm, i cili mbahet me 2, 3 dhe 4 Shtator në Rahovec, nën patronatin e Kryetarit të Komunës z. Smajl Latifi, me përkrahjen tradicionale të MKRS, MBPZHR dhe Komunës së Rahovecit”, thuhet në njoftimin e organizatorëve.
“Me ‘Ca kokrra rrushi…’, ju mirëpresim në Rahovec me 2, 3 dhe 4 Shtator!”