Ish-futbollisti i Kombëtares së Shqipërisë, Eros Grezda, është transferuar te skuadra turke, Manisa Football Club që militon në kategorinë e dytë të futbollit në Turqi.
27-vjeçari kompletoi transferimin e tij gjatë ditës së sotme (e mërkurë) si futbollist i lirë, pasi që nuk vazhdoi kontratën me klubin kroat, Sibenik.
Është vet faqja e klubit turk që ka konfirmuar transferimin e Grezdës me anë të një postimi.
⚫⚪ Manisa Futbol Kulübümüz, Kosovalı hücum oyuncusu Eros Grezda’yı kadrosuna kattı. Hedefleri olan bir kulübe geldiğini belirten Grezda, “Manisa Futbol Kulübü’nü hak ettiği yer olan Süper Lig’e hep birlikte taşıyacağız” dedi.
Detaylar 👉 https://t.co/HVHzknEg1p pic.twitter.com/lQ5EdnSHP4
— Manisa Futbol Kulübü (@ManisaFK) July 27, 2022
“Klubi ynë i futbollit Manisa ka nënshkruar kontratë 1+1 vjeçare me sulmuesin kosovar Eros Grezda”, thuhet në njoftim e klubit turk.
Derisa me nënshkrimin u shpreh i lumtur edhe vetë Erosi, i cili shpreson që të ngjigjten në Superligën e Turqisë.
“Jam shumë i lumtur që vij në një klub të madh si Manisa Football Club. Jam në një klub të mirë dhe me projekt”, ka thënë Grezda.
✍️ Ailemize Hoş Geldin Eros Grezda 🤝 pic.twitter.com/OqhQ8EB56Z
— Manisa Futbol Kulübü (@ManisaFK) July 27, 2022
“Shpresojmë që së bashku ta çojmë Klubin e Futbollit Manisa në Superligë, vendi që e meriton”, shtoi futbollisti kosovar.
Kujtojmë që Grezda në të kaluarën ka luajtur në disa klube të njohura si: Osijek, Lokomotiva Zagrebit e Rangers, derisa ai numëron edhe 12 paraqitje zyrtare me kombëtaren kuqezi, ku ka shënuar një gol.