Kryeministri i Kosovës, Albin Kurti sot është takuar me përfaqësuesit e posaçëm të Bashkimit Evropian dhe ambasadoret e shteteve të QUINT-it në Kosovë.
Siç ka njoftuar zyra e kryeministrit, në qendër të këtij takimi ishte vazhdimi i bashkëpunimit të ngushtë dhe bashkërendimit të veprimeve ndërmjet Qeverisë së së Kosovës dhe përfaqësuesve të Bashkimit Evropian dhe shteteve të QUINT-it.
“Vazhdimi i bashkëpunimit të ngushtë dhe bashkërendimit të veprimeve ndërmjet Qeverisë së Republikës së Kosovës dhe përfaqësuesve të Bashkimit Evropian dhe shteteve të QUINT-it, ishte në qendër të takimit ndërmjet Kryeministrit të Republikës së Kosovës, Albin Kurti dhe Përfaqësuesit të Posaçëm të Bashkimit Evropian në Kosovë dhe ambasadorëve të Shteteve të Bashkuara të Amerikës, Gjermanisë, Mbretërisë së Bashkuar, Francës dhe Italisë”, thuhet në njoftimin e ZK-së.