Në komentet e tij të para publike që nga dita e zgjedhjeve, Biden ka thënë se votimi i së martës shënoi një ditë të mirë për demokracinë në ShBA.
“Dhe unë mendoj se ishte një ditë e mirë për Amerikën,” tha Biden nga Shtëpia e Bardhë. Ai ka shtuar: “Demokracia jonë është testuar vitet e fundit, por me votat e tyre, populli amerikan ka folur dhe ka dëshmuar edhe një herë se demokracia është ajo që jemi”.
Ai thotë se ka qenë gjithmonë qëllimi i tij që të kandidojë sërish, pavarësisht nga rezultati i zgjedhjeve afatmesme në SHBA. Megjithatë, nuk është vendosur ende, pasi thotë se ai është një “respektues i madh i fatit dhe ky është në fund të fundit një vendim familjar”.
Biden tha se shpreson se mund të “largohet” me gruan e tij Jill midis Krishtlindjeve dhe Ditës së Falënderimeve dhe do të marrë një vendim deri në “fillim të vitit të ardhshëm”.
Deklarata e tij vjen në kohën kur amerikanët janë në pritje të rezultateve për zgjedhjet afatmesme në SHBA.