Një mësues italian i një shkolle te mese është urdhëruar t’i paguajë 100,000 euro dëmshpërblim institutit për dëmtimin e imazhit të tij, pasi ai u dënua për abuzim seksual ndaj disa nxënësve pranë Cagliarit në Sardenjë, raportuan të hënën të përditshmet L’Unione Sarda dhe Il Messaggero.
Mësuesi i matematikës u shpall fajtor për përdhunimin e vajzave nga shkolla e atëhershme e trajnimit të mësuesve të shkollës së mesme, e cila tani është Liceo Eleonora d’Arborea.
Prindërit e zemëruar thanë se viktimat dhe jo shkolla duhet të ishin kompensuar.
“Po dëmshpërblehet shkolla, e cila nuk mbronte nxënësit me vite, është turp”, tha babai i një prej viktimave, raportoi Ansa.
Vajzat nuk kanë qëndruar si paditëse civile dhe për këtë arsye nuk kanë marrë dëmshpërblim.