Presidentja Vjosa Osmani sot ka uruar Krishtlindjet ortodokse, duke thënë se festat e tilla duhet të të jenë në funksion të solidaritetit mes njëri-tjetër.
“Të nderuar qytetarë të komunitetit ortodoks, dua t`ju shpreh urimet e mia më të ngrohta për të gjithë ju që e kremtoni Krishtlindjen ortodokse. Dashuria, paqja dhe harmonia mbushtë zemrat dhe shtëpitë tuaja. Festat sikurse Krishtlindja janë në funksion të dashurisë dhe solidaritetit ndërmjet njerëzve”, ka shkruar Osmani.
Ajo tha se toleranca është vlerë tradicionale e shoqërisë sonë, “ndaj jo vetëm në këtë ditë duhet ta mbështesim njëri-tjetrit dhe në të njëjtën kohë të kemi më shumë shpresë, besim e kurajë. Lumturia, shëndeti e begatia qofshin gjithmonë me ju! Gëzuar Krishtlindjen Ortodokse!”.