Deputetja e PDK-së, Ariana Musliu-Shoshi, ka deklaruar se vendimet e Gjykatës Kushtetuese duhet të respektohen, pavarësisht nëse ato përputhen apo jo me interesat politike të subjekteve.
Në një deklaratë për FrontOnline, Musliu-Shoshi ka thënë se qëndrimi i saj është personal, ndërsa ka bërë të ditur se PDK-ja do ta trajtojë këtë çështje në organet e saj dhe se qëndrimi zyrtar i Kryesisë pritet të bëhet i ditur në ditët në vijim.
“Vendimet e Gjykatës Kushtetuese duhet të respektohen. Pikë. Ky është qëndrimi im personal. PDK do ta trajtojë këtë çështje në organet e saj dhe në ditët në vijim do të kemi edhe qëndrimin zyrtar të Kryesisë’’, ka deklaruar Musliu-Shoshi.
Ajo ka thënë se Kushtetuta dhe vendimet e Gjykatës Kushtetuese duhet të vlejnë njësoj për të gjithë, pavarësisht nëse janë politikisht të përshtatshme apo jo.
“PDK do ta trajtojë këtë çështje në organet e saj dhe në ditët në vijim do të kemi edhe qëndrimin zyrtar të Kryesisë. Kushtetuta dhe vendimet e Gjykatës Kushtetuese duhet të vlejnë njësoj për të gjithë, pavarësisht nëse na përshtaten politikisht apo jo”, ka thënë ajo.